Mailhurennoù ar Redadeg

Doareoù a bep seurt a zo evit kemer perzh er Redadeg, hervez ho c’hoant ha n’eus netra d’ober dre ret !

M’ho peus c’hoant da ziskouez e skoazellit ar brezhoneg a-hed ar Redadeg met ivez a-hed ar bloaz e c’hallit gwiskañ mailhurennoù brav-spontus ar Redadeg !

Bep bloaz e vez ul liv disheñvel, met ul liv laouen ha leun a startijenn bepred... evel “A l’aise Breizh” hor c’heveler 2012.

Evit 2012 : Glas….evel ar mor !

Gant al loc’hañ e Brest hag an degouezh e Douarnenez, anat eo ne oamp ket evit tremen hebiou !

  Penaos kavout anezhe ? Pelec’h kavout anezhe ? Betek pegoulz ?

♦ Leuniañ ha kas ar follenn werzh. Mont a raimp e darempred ganeoc’h evit kavout ganeoc’h an doare aesañ da gas an traoù, pe dre an ti-post (met frejoù ouzhpenn a zo) pe dre dud a youl-vat er vro.

♦ Kavout en daolenn-mañ ul lec’h-gwerzh tost d’ho ti ha mont e darempred gant un den e karg.

Ar mailhurennoù a zo e gwerzh betek an 31 a viz Meurzh 2012. Goude-se e vo ret deoc’h gortoz tremen ar Redadeg evit prenañ anezhe e karr-tan kentañ ar Redadeg, an hini a zeuio 6 mn a-raok an heuliadeg. Ret vo deoc’h ober buan neuze !